Seħer il-Malti

SEĦER IL-MALTI ta' kull ġimgħa jaqbad tema partikolari marbuta mal-lingwa Maltija u jiddiskutiha fil-qosor. Il-programm ikun imżewwaq bil-mużika Maltija, bi spjegazzjoni ta' punt ortografiku, bil-kompetizzjoni u bl-avviżi, kif ukoll bl-interventi diretti tas-semmiegħa. Minn żmien għal żmien fil-programm ikunu mistiedna nies differenti b'rabta mal-Malti.

Jekk għandek il-lingwa tagħna għal qalbek u tixtieq tiskopri aktar is-seħer tal-Malti, segwi dan il-programm kull nhar ta' Sibt fil-12.15pm. Smajt xi kelma ġdida bil-Malti u tixtieq taqsamha magħna? Għandek kurżità fuq ilsienna jew xi diffikultà fuq kif tikteb xi kelma? Ċemplilna, ibagħtilna messaġġ jew iktbilna ittra.

Dan il-programm popolari ħafna wkoll mal-Maltin ta' barra li jisimgħuh mill-internet. Tistgħu tagħmlu kuntatt mal-preżentaturi permezz tal-indirizz elettroniku malti@rtk.org.mt.

English Version

Prof. Manwel Mifsud

Il-Professur Manwel Mifsud jgħallem il-lingwistika Maltija fl-Università ta’ Malta. Kien Kap tad-Dipartiment tal-Malti fl-Università u hu d-Direttur ta’ diversi korsijiet offruti mill-istess Dipartiment. Prof. Mifsud huwa wkoll awtur ta’ diversi testi ta’ għanjiet bil-Malti. Huwa wkoll promotur ewlieni tal-Għanja tal-Poplu. Ikkontribwixxa għal diversi ġurnali akkademiċi u jmexxi l-Kunsill Nazzjonali tal-Malti li, fost ħwejjeġ oħra, jirregola t-tiġdid tal-ilsien Malti

Thomas Pace

Thomas Pace hu d-Direttur Eżekuttiv tal-Kunsill Nazzjonali tal-Ilsien Malti. Ilu attiv fil-qasam tal-Malti minn meta kien student universitarju, permezz tal-għaqdiet u l-kontribut tiegħu f'bordijiet edukattivi, seminars, pubblikazzjonijiet, proġetti, siti elettroniċi u blogs tal-Malti