Servizzi

Is-semmiegħa għandhom kull opportunita’ jistaqsu mistoqsijiet pertinenti u jistennew tweġiba minn ras-il-għajn bir-rispett li jistħoqq lil kapijiet, ministri jew nies li jokkupaw postijiet ta’ awtorita’ u responsabbilta’. Kull ġimgħa s-suġġetti jvarjaw minn edukazzjoni, pulizija, licenzji tal-karozzi, toroq u kull ħaġa. U servizz ieħor li l-Maltin u l-Għawdxin jixirqilhom bħala ċittadini Ewropej. Darba fix-xahar il-mistieden ikun l-Isqof Mario Grech, waqt li darba kull xahrejn ikollna lil Arċisqof Pawlu Cremona. Jippreżenta Tonio Bonello, Manager – Programmes ta’ Radju RTK.

DAREK U FLUSEK huwa programm li jixxandar nhar ta' Ġimgħa bejn l-5.15 u s-6 pm. Il-programm  jgħati ħarsa lejn il-qasam tal-Housing permezz tal-mistiedna mill-Awtorita' tad-Djar. Flimkien ukoll ma' mistiedna mill-Awtorita' tas-Servizzi Finanzjarji  niddiskutu wkoll temi relatati mal-finanzi u mal-investimenti. Is-semmiegħa jistgħu jieħdu sehem permezz tat-telefonati u l-sms's. Jippreżenta: Walter Sultana

Jekk tħobb is-siġar, il-pjanti, il-ġonna, il-fjuri u għandek xi problema jew tixtieq tkun mgħarraf aħjar fuq iż-żamma u t-tkabbir tagħhom ieqaf ftit kull nhar ta’ Tnejn fit-3.40pm u isma’ l-RTK ma' l-Ortikulturista Dione Caruana. Tista ukoll iċċempel jew tibgħat SMS bid-diffikultajiet tiegħek matul ix-xandira diretta.

Nhar ta’ Erbgħa mill-4.05 pm sal-5 pm fuq l-RTK imiss lin-Nutar Joe Tabone iwassal l-aħħar żviluppi, aġġornamenti dwar atti notarili li jvarjaw minn riċerki ta’ xiri ta’ propjeta’ sa testmenti u dak kollu li jaqa’ fil-liġi taħt ir-responsabilita’ tan-nutara.

L-RTK għal snin sħaħ għaraf jiftaħ il-linji tiegħu biex jagħtihom servizz fejn ikunu jistgħu jilmentaw minn dak li jdejjaqhom bħala ċittadini ta’ dawn il-gżejjer. Mal-ilmenti ma kienux jonqsu xi kumplimenti meta dawn kienu mistħoqqha wara xi azzjoni. Mistiedna differenti fil-programm IL-POLZ TAĊ-ĊITTADIN jitkellmu mas-semmiegħa kull nhar ta' Ġimgħa bejn it-3.30pm u l-5.00pm. Jilqa’ it-telefonati Tonio Bonello, il-Kap tal-Programmi ta' Radju RTK

INVESTI BIL-GĦAQAL huwa il-programm li għandu l-għan li s-semmiegha ta’ RTK jiksbu informazzjoni dwar kif il-finanzi li jinfluwenzaw ħajjitna. Meta wieħed ikollu livell xieraq ta’ informazzjoni u formazzjoni, ukoll jekk dan jinkiseb b’mod informali, wieħed ikun f’pożizzjoni li jkollu aktar suċċess mil-lat finanzjarju. Imtella' mill-RTK bil-kollaborazzjoni tal-Valletta Fund Management. Jippreżenta: Joseph M. Formosa

SEHEMNA FL-EWROPA huwa programm t’40 minuta li qed jittella’ ta’ kull ġimgħa mill-MEUSAC (Malta-EU Steering and Action Committee) nhar t’Erbgħa f’12:20. Il-programm jittratta diversi suġġetti dwar l-Unjoni Ewropea