Religjon

ĦADD BĦALEK huwa programm li jitratta l-aspetti differenti ta’ Ġesu’ . Huwa programm li jinvolvi diversi mistiedna kif ukoll is-sehem dirett tas-semmiegħa permezz tat-telefons u l-sms’s . Jippreżenta l-programm kull nhar ta’ Erbgħa fid-9.00pm Dr John Bonnici Mallia

 

BIEB IMBEXXAQ huwa programm imtella’ apposta għal matul is-Sena tal-Fidi u li jifli kif fit-twemmin tiegħu, in-nisrani jista’ jsib dik l-għajnuna biex jirbaħ ix-xkiel li jħabbat wiċċu miegħu f’mumenti u ċirkustanzi differenti tal-ħajja.

EJJA GĦANDI! hija stedina li darba Ġesu’ għamel lil kulħadd, u li għadu jagħmel llum ukoll lili, lilek u lil kull semmiegħ tar-Radju RTK. Għalhekk, l-iskop tal-programm huwa li wieħed ikun jista’ jmur għandu, fiċ-ċirkostanzi preżenti tal-ħajja tiegħu u b’dak kollu li qed itaqqlu. Ix-xewqa tal-preżentaturi u l-mistiedna tal-programm hija li jagħmluha kemm jista’ jkun faċli għal kull semmiegħ li jiltaqa’ miegħu, imur għandu u jsib il-mistrieħ tiegħu. Jippreżenta: Fr Paul Fenech

Avviżi u tifkiriet ta’ mwiet. Jixxandru kuljum fis-7.00am, f'12.00pm u fis-7.00pm

Programm ta' qari, mużika u diskussjoni, li fih il-qari tal-Ħadd li jkun gej jitqiegħed f'perspettiva attwali. Ir-rilevanza tiegħu għall-ħajja ta' kuljum tkun is-sinsla tad-diskussjoni kollha. Dan il-programm FROTT IL-KELMA jixxandar kull nhar ta' Ħamis bejn id-9 u l-10 ta' bil-lejl fuq Radju RTK.

Fr Philip Cutajar, Franġiskan Kappuċċin joffri kelma ta’ faraġ lis-semmiegħa ta’ Radju RTK kull nhar ta’ Tnejn bejn id-9.00pm u l-11.00pm fil-programm KELMA TA' WENS. . Matul il-programm Fr Philip ikun ta’ wens għas-semmiegħa li għaddejjin minn xi problema, imma mhux waħdu, iżda flimkien mad-diversi mistiedna li jkollu miegħu fil-programm. Is-semmiegħa huma mistiedna jċemplu u jieħdu sehem dirett fil-programm.

Matul dan il-programm LWIEN niltaqgħu ma’ diversi personalitijiet u naraw kif il-mod ta’ l-għixien tagħhom jista’ jkun ta’ ispirazzjoni għalina fil-ħajja tagħna ta’ kuljum. Dan il-programm hu mtella’ flimkien maċ-Cenacolo Community u l-Youth Fellowship. Il-programm jixxandar kull nhar ta’ Ħamis bejn is-7.30pm u d-9.00pm.
 

Jekk tħobb tisma’ u tiddiskuti temi bħall-maħfra, il-faqar, il-qagħad, l-illiteriżmu, id-disabilita’ mela dan il-Merżuq dawl hu għalik. Imtella’ bil-kollaborazzjoni tal-Kulleġġ tal-Kappillani dan il-programm soċjo-reliġjuz hu mibni fuq il-valuri nsara. Cynthia Zerafa tlaqqa’ s-semmiegħa wkoll ma’ esperjenzi reali kif ukoll tiġbor opinjonijiet ta’ mill-anqas żewġ kappillani kull ġimgħa. Jixxandar it-Tlieta mid-9.00pm sal-10.00pm

L-għan ewlieni tal-programm MISKAN huwa li dak li aħna ilna ngħidu matul dawn l-aħħar 20 sena ngħadduh lil dawk ta` madwarna biex ikollna socjeta` b'aktar relazzjonijiet, żwiġijiet u fuq kollox familji aktar b'saħħithom. Miskan huwa grupp ta’ familji Nsara fi ħdan is-Soċjeta' Missjunarja ta’ San Pawl (M.S.S.P) impenjati biex isaħħu ż-żwiġijiet u biex jevangelizzaw familji oħra. F’kull programm niddiskutu tema partikulari li tolqot il-familja. Jixxandar kull nhar ta’ Tlieta fis-7.15pm

Diskussa temi soċjali u spiritwali li jistgħu jolqtuhom mill-qrib. Is-semmiegħa jaqsmu ukoll l-esperjenzi tagħhom u ma tonqosx kelma ta’ faraġ. Il-programm jixxandar live kull nhar ta` Ħadd fl-10:00 ta` filgħaxija mill-istudjos tal-RTK f'Għawdex.