Ingredjenti:
- 400g asparagu
- 200g kurrat
- 50g marġerina
- 50g dqiq
- Litru stokk tat-tiġieġ
- 120ml krema friska
- Bżar mitħun frisk u melħ
Metodu:
1. Qaxxar il-kurrat u qattgħu f’biċċiet żgħar.
2. Dewweb il-marġerina f’kazzola u qalli l-kurrat. Waqt it-tisjir, ħawwad il-ħin kollu għaliex il-kurrat irid jibqa’ abjad. Neħħih minn fuq in-nar.
3. Aqta’ l-partijiet ta’ fuq tal-asparagu u poġġihom ġo skutella. Qatta’ z-zkuk tal-asparagu f’biċċiet żgħar.
4. Erġa’ qiegħed il-kazzola fuq in-nar, żid il-biċċiet taz-zkuk tal-asparagu u qallihom. Ħawwad il-ħin kollu. Żid id-dqiq u ħawwad tajjeb.
5. Żid l-istokk ftit, ftit. Ibqa’ ħawwad il-ħin kollu. Baxxi n-nar u kompli sajjar għal madwar 25 minuta.
6. Imla kazzola bl-ilma u poġġiha fuq in-nar. Meta l-ilma jiftaħ jagħli, itfa’ ftit melħ u sajjar għal ftit minuti l-biċċiet tal-asparagu li poġġejt fl-iskutella. Neħħihom mill-misħun, qattarhom tajjeb u ħallihom fil-passatur.
7. Itħan tajjeb is-soppa b’blendertal-elettriku,. Żid il-krema friska u erġa’ ħawwad. M’hemmx għalfejn terġa’ tuża l-blender. Roxx ftit bżar mitħun frisk u melħ.
8. Ferrex il-biċċiet tal-asparagu li tkun għallejt fil-wiċċ tas-soppa u serviha sħuna.
English Version | 
