Dan huwa s-sauce idejali biex isservi mal-Pudina tal-Milied. Għandu togħma tajba ħafna u l-ingredjent l-aktar importanti hu x-xorb. Tista tuża jew Brandy jew Rum skur.
Ingredjenti:
- 300ml ħalib
- 30g zokkor
- 15g butir
- 22g cornflour
- Ftit essenza tal-vanilja
- Brandy jew Rum skur
Metodu:
1. Neħħi ftit mill-ħalib u għamlu ġo bieqja żgħira. Żid miegħu il-cornflour u ħawwad tajjeb sakemm il-cornflour idub.
2. Qiegħed il-bqija tal-ħalib ġo kazzola. Żid miegħu ,z-zokkor u l-essenza tal-vanilja. Qiegħed fuq nar moderat sakemm jiftaħ jagħli.
3. Meta jiftaħ jagħli żid it-taħlita tal-cornflour. Kompli sajjar sakemm jerġa jagħli filwaqt li tħawwad il-ħin kollu.
4. Neħħi l-kazzola minn fuq in-nar. Żid il-butir u x-xorb. Ħawwad tajjeb.
5. Dan is-sauce irid jisserva sħun ħdejn il-pudina.
English Version | 
